«ԱՄՆ գործողության հաջորդ փուլն Իրանի համար ավելի կոշտ կլինի»․ Ռուբիո

ԱՄՆ պետքարտուղար Մարկո Ռուբիոն հայտարարել է, որ Իրանում գործողության հաջորդ փուլն ավելի կոշտ կլինի:

«Ես չեմ պատրաստվում բացահայտել մեր մարտավարության մանրամասները, սակայն ամենածանր հարվածները ամերիկյան զինվորականների կողմից դեռ պետք է լինեն։ Հաջորդ փուլն Իրանի համար ավելի կոշտ կլինի, քան հիմա է»,- լրագրողներին ասել է Ռուբիոն։

Նա նշել է, որ չի կարող հստակ ասել, թե որքան կտևի ԱՄՆ գործողությունն Իրանում։ «Մենք նպատակներ ունենք։ Մենք դա կանենք այնքան ժամանակ, որքան անհրաժեշտ կլինի այդ նպատակներին հասնելու համար»,- ասել է պետքարտուղարը։