«Երբ պետությունը անձնավորում ես և նույնացնում քեզ հետ, դու այն ապահամակարգայնացնում ես». Արեգ Սավգուլյան

Աշխատանքի և սոցիալական հարցերի նախարարի նախկին խորհրդական Արեգ Սավգուլյանը ֆեյսբուքյան գրառումը. «Ըստ Ադրբեջանի ԱԳՆ-ի նախարար Բայրամովի «2019 թ. մարտին Վիեննայում ԵՀԱԿ Մինսկի խմբի միջնորդությամբ՝ Հայաստանի և Ադրբեջանի ղեկավարների հանդիպման ժամանակ, Նիկոլ Փաշինյանը հայտարարել է, որ չի պատրաստվում և չի ուզում լուծել Ղարաբաղի խնդիրը և հռետորական հարց է ուղղել Իլհամ Ալիևին. Դուք ուզո՞ւմ եք, որ ինձ սպանեն»։
Այս խոսույթը նման է շատ մի շարք այլ արտահայտությունների՝ «Կամ ես կլինեմ վարչապետ, կամ Հայաստանը վարչապետ չի ունենա», «Չկա մի դատավոր, որ իմ ասածը չանի», «Եթե չպատերազմեինք, ինձ կասեին դավաճան», «Ես եմ կառավարությունը», «Արցախը Հայաստան է և վերջ»։ Երբ պետությունը անձնավորում ես և նույնացնում քեզ հետ, դու այն ապահամակարգայնացնում ես, հայրենազրկում ես և ի վերջո կործանում ես։
Միայն դու կարող էիր գալ այն ազգակործան եզրահանգման, որ թուրանական վառվող օջախում խաղաղության թղթե ապարանքին ոչինչ չի սպառնում, իսկ դուք շարունակեք փչել այդ մեծ կեղծիքը և ինքներդ ձեզ համոզել, որ դրանից կրակը ոչ թե բորբոքվում է, այլ մարում»։