«Նույնն է, որ քաղաքապետը գնա մեկի տուն, ասի` այս տան ամուսինն անբարոյական է, պետք է ընտանիքը մաքրենք». Ոսկան Սարգսյան

Լրագրող Ոսկան Սարգսյանը գրում է. «Նիկոլ Փաշինյանը օրենքով իրավունք ունի՞ Հայ առաքելական եկեղեցին պառակտելու, իր խոսքերով՝ մաքրելու եկեղեցին։ Ոչ, սահմանադրությամբ եկեղեցին պետությունից անջատ է։ Դա նույնն է, որ քաղաքապետը գնա մեկի տուն, ասի, որ այս տան ամուսինն անբարոյական է, պետք է ընտանիքը մաքրենք, բարոյական սարքենք։ Նիկոլ Փաշինյանը բարոյական իրավունք ունի՞ եկեղեցին մաքրելու։ Ոչ, Արցախը, Հայաստանի տարածքները մաս-մաս հանձնածը, Հայաստանի պետական պարտքը ավելի քան կրկնապատկածը, երկրի կառավարումը ձախողածը եկեղեցու գործերով է զբաղվում։ Ցանկացած եկեղեցում (այդ թվում՝ Հայ առաքելական եկեղեցում), այդ եկեղեցու հոգևորականների վարքի մեջ կան սխալներ, խախտումներ, բացթողումներ, սակայն դրանք շտկելը եկեղեցու, ոչ թե վարչապետի գործն է։ Շատ պարզ գրեցի, որ նույնիսկ քաղաքական տհասները հասկանան»: