Հայաստանն առաջին անգամ ներառվել է կալանքի տակ գտնվող լրագրողներ ունեցող երկրների ցանկում

Հայաստանն առաջին անգամ ներառվել է կալանքի տակ գտնվող մեդիա ներկայացուցիչներ ունեցող երկրների ցանկում։ Այս մասին նշված է «Լրագրողների անվտանգության հարթակի» այսօր հրապարակած տարեկան զեկույցում։

2025 թվականի վերջին Հայաստանն առաջին անգամ արձանագրվեց հարթակի կողմից (Եվրոպայի խորհրդի լրագրողների անվտանգության հարթակ) որպես երկիր, որտեղ կալանքի տակ են գտնվում լրագրողներ կամ մեդիա ներկայացուցիչներ:

Նշվում է, որ 2025 թվականի դեկտեմբերի 31-ի դրությամբ Եվրոպայում կալանքի տակ է գտնվել 148 լրագրող, այդ թվում՝ 36-ը՝ Ադրբեջանում, 32-ը՝ Ռուսաստանում, 27-ը՝ Բելառուսում, 24-ը՝ Թուրքիայում, 2-ը՝ Հայաստանում և 1-ը՝ Վրաստանում։