«Թրամփ-Պուտին հանդիպումը չեղարկվել է Մոսկվայի կոշտ պահանջների հետևանքով»․ FT

ԱՄՆ-ն չեղարկել է նախագահ Դոնալդ Թրամփի և Վլադիմիր Պուտինի նախատեսվող հանդիպումը Բուդապեշտում՝ այն բանից հետո, երբ Ռուսաստանից ստացվել են Ուկրաինայի վերաբերյալ «կոշտ պահանջներ»։ Այս մասին գրում է Financial Times-ը՝ հղում անելով իր աղբյուրներին։ Նրանց խոսքով՝ Մոսկվայի դիրքորոշումը չափազանց կոշտ է եղել, ինչը Վաշինգթոնին չի գոհացրել։

Որոշումը կայացվել է բարձրագույն դիվանագիտական ​​մակարդակով «լարված» հեռախոսազրույցից հետո, հայտնում են FT-ի աղբյուրները։

Հոկտեմբերի 16-ին, հեռախոսազրույցից հետո, Վլադիմիր Պուտինը և Դոնալդ Թրամփը հայտարարել էին Բուդապեշտում հանդիպելու իրենց պատրաստակամության մասին։ Մի քանի օր անց Թրամփը հայտարարեց բանակցությունների չեղարկման մասին, քանի որ ամերիկյան կողմը կասկածում էր «ցանկալի նպատակներին» հասնելու հնարավորությանը։