Հզոր պայթյուն՝ Կոպեյսկի «Պլաստմասս» գործարանում․ կան զոհեր

ՌԴ Կոպեյսկ քաղաքի գործարանում տեղի ունեցած պայթյունի հետևանքով զոհվել է տասներկու մարդ։ Եվս յոթը վիրավորվել են, որոնցից մի քանիսը ստացել են ամբուլատոր բուժում։ Այս մասին հաղորդում է «112» թելեգրամյան ալիքը։
Դեպքը տեղի է ունեցել չորեքշաբթի երեկոյան։ Թելեգրամյան ալիքի տվյալներով՝ պայթյունը տեղի է ունեցել «Պլաստմաս» գործարանում, և որպես ողբերգության նախնական պատճառ նշվում է անվտանգության կանոնների խախտումը։
Նշվում է, որ առաջին պայթյունից որոշ ժամանակ անց հրդեհի օջախում տեղի է ունեցել երկրորդ պայթյունը, որը բարդացրել է փրկարարական աշխատանքները։