«Դաղստանի առավոտ» թելեգրամ-ալիքի սեփականատիրոջը մահացած են գտել Թուրքիայում

«Դաղստանի առավոտ» թելեգրամ-ալիքի սեփականատեր Աբակար Աբակարովին մահացած են գտել Թուրքիայում, հաղորդում է Mash-ը՝ հղում կատարելով տեղի լրատվամիջոցներին։ Նա դաշնային հետախուզման մեջ էր 2023 թվականից, այդ թվում՝ Դաղստանի Ույտաշ օդանավակայանում զանգվածային անկարգություններ կազմակերպելու մեղադրանքով։

Աբակարովի մարմինը հայտնաբերվել է Էյուփսուլթան շրջանի վարձակալած առանձնատանը, որտեղ նա ապրում էր վերջին մի քանի օրերին: Մաքրուհին նրան անկենդան է գտել հյուրասենյակում՝ արյունով պատված: Մահվան պատճառը դեռևս պարզված չէ: Տունը, որտեղ նա ապրում էր, վարձակալվել է հոկտեմբերի 6-ին, իսկ հոկտեմբերի 7-ին տեսախցիկների տեսագրություններում երևում է, թե ինչպես է դեռևս անհայտ անձը մտնում շենք՝ զոհի հետ: Նա դուրս է եկել՝ երկու պայուսակ ձեռքին: