Իսրայելը կրում է հարվածների ամբողջական պատասխանատվությունը. Դամասկոս
 Սիրիայի արտաքին գործերի նախարարությունը երեքշաբթի՝ հուլիսի 15-ին, հայտարարել է, որ Իսրայելը կրում է երկրի հարավում տեղի ունեցած վերջին հարձակումների և դրանց հետևանքների ամբողջական պատասխանատվությունը։ Նախարարությունը հավելել է, որ ձգտում է պաշտպանել բոլոր սիրիացի քաղաքացիներին, այդ թվում՝ դրուզներին, առանց բացառության։ «Մենք խստորեն դատապարտում ենք Իսրայելի կողմից այսօր իրականացված ագրեսիան՝ ավիահարվածների և համակարգված հարձակումների միջոցով։ Այս ագրեսիան իրականացվել է ամենայն մանրամասնությամբ ընտրված ժամանակ և կասկածելի համատեքստում, ինչը վկայում է երկրի ներքին իրավիճակը անկայունացնելու փորձի մասին։ Մենք վերահաստատում ենք Սիրիայի օրինական իրավունքը՝ պաշտպանելու իր տարածքը և իր ժողովրդին միջազգային իրավունքով նախատեսված բոլոր միջոցներով»,- ասվում է հայտարարության մեջ։ Սիրիայի հարցերով ԱՄՆ-ի հատուկ ներկայացուցիչ Թոմ Բարաքը հայտարարել է, որ ԱՄՆ-ն ուղիղ բանակցություններ է վարում Սիրիայում հակամարտության բոլոր կողմերի հետ։ «Մենք ակտիվորեն համագործակցում ենք Սիրիայի բոլոր կողմերի հետ՝ իրավիճակը կայունացնելու և ինտեգրման վերաբերյալ կառուցողական քննարկումները շարունակելու համար։ |
Իրանից Հայաստանի տարածքով տեղափոխվել են 41 երկրների քաղաքացիներ
12315:12Ռմբակոծությունների հետևանքով հետաձգվել է Դուբայ-Երևան թռիչքը
14714:00
ՀԷՑ-ի մասնաճյուղի էլցանցի պետն ու այլ պաշտոնյաներ մեղադրվում են կաշառք ստանալու մեջ (տեսանյութ)
10411:18
Արարատ Միրզոյանը հեռախոսազրույց է ունեցել Հաքան Ֆիդանի հետ
113Երեկ, 17:00
Դատախազը դատարան է հանձնել Մարտի 1-ի գործով մեղադրյալներ Վալերիյ Օսիպյանի և Ռոբերտ Մելքոնյանի վերաբերյալ քրեական վարույթի նյութերը
119Երեկ, 16:42
ԱՄԷ-ից Հայաստան է վերադարձել է 197 անձ
98Երեկ, 12:30