Ռուսական մանկատանը մեծահասակների համար նախատեսված տեսանյութեր են նկարահանել երեխաների հետ

Ուրալում գործող մանկատան ուսուցիչը և տնօրենը կկանգնեն դատարանի առաջ:

Սվերդլովսկի մարզի արևելքում գտնվող գյուղական դպրոցի ինֆորմատիկայի ուսուցիչը կդատապարտվի պոռնոգրաֆիա ստեղծելու և անչափահասներին պոռնոգրաֆիա ստեղծելուն ներգրավելու համար: Հետաքննության տվյալներով՝ տասը տարի անընդմեջ ուսուցիչը որդեգրել կամ խնամակալության է վերցրել տեղի մանկատնից տղա երեխաների, կաշառել նրանց, սեռական հարաբերություններ է ունեցել նրանց հետ և նկարահանել պոռնոգրաֆիա:
Քննիչների տվյալներով՝ 8 երեխա արդեն ճանաչվել է՝ որպես զոհ, բայց սեքսուալ բռնության զոհերի թիվը կարող է շատ ավելի լինել:

Մանկատան նախկին տնօրենը ևս մեղադրվում է տեղի ունեցողի մասին իմանալու, բայց հանցագործությունները թաքցնելու փորձ կատարելու համար:

Հանցանքը պատահաբար է բացահայտվել: Որդեգրված տղաներից մեկի կինը գրել է Տյումենի բարեգործական հիմնադրամի ղեկավարին, որը օգնել է այս մանկատանը, այն մասին, թե ինչ է ապրել իր ամուսինը մանկության տարիներին: Նա չի լռել, այլ անմիջապես ամեն ինչ հայտնել է նման գործերով զբաղվող քննիչներին:

Խուզարկության ընթացքում ուսուցչի համակարգչում հայտնաբերվել են պոռնոգրաֆիա, լուսանկարներ և տեսանյութեր, որոնք նա նկարահանել էր սաների հետ: