ՌԴ-ում ադրբեջանական լրատվական կայքերի հասանելիությունը սահմանափակվել է

Մոսկվայում և Ռուսաստանի այլ քաղաքներում խնդիրներ են առաջացել ադրբեջանական լրատվական գործակալությունների կայքեր մուտք գործելու հետ կապված։

Ինչպես հաղորդում է 1news.az-ը՝ հղում անելով Report-ին, նման խնդիրներ կան Մոսկվայում, Աստրախանում, Վոլգոգրադում, Սանկտ Պետերբուրգում, Վոլոգդայում, Չելյաբինսկում և այլ շրջաններում։

Մասնավորապես, հասանելիություն չկա Global Media Group-ի կայքերին՝ Report.az, Oxu.az, Caliber.az: Խնդիրներ կան նաև այլ լրատվական պորտալների կայքերի հասանելիության հետ կապված։