«Պատրաստվում էինք վերացնել Խամենեիին, հնարավորություն չեղավ». Կաց

Մենք պատրաստվում էինք վերացնել Խամենեիին, բայց հարմար առիթ չընձեռվեց։ Այս մասին հայտարարել է Իսրայելի պաշտպանության նախարար Իսրայել Կացը:

«Իսրայելը մտադիր էր վերացնել Ալի Խամենեիին, բայց նման գործողության համար պատեհ հնարավորություն չի եղել։
Մենք ուզում էինք վերացնել Խամենեիին։ Եթե նա հասանելի լիներ, մենք կհարվածեինք։ Բայց այդպիսի հնարավորություն չընեռվեց»,- ասել է Կացը։

Հարցին, թե արդյո՞ք ԱՄՆ-ի թույլտվությունն անհրաժեշտ է այդօրինակ գործողության համար, նա պատասխանել է․

«Նման բաների համար մեզ ոչ մեկի թույլտվությունը պետք չէ»։

Հիշեցնենք՝ ԱՄՆ նախագահ Դոնալդ Թրամփը օրեր առաջ գրել էր, որ իրենք հստակ գիտեն Խամենեիի գտնվելու վայրը՝ նրան անվանելով «հեշտ թիրախ»: