Իսրայելը խոստանում է պատասխանել Իրանին

Իսրայելի պաշտպանության նախարարը բանակին հրամայել է վճռականորեն արձագանքել Իրանի կողմից հրադադարի խախտմանը։

«Ես հրամայել եմ Իսրայելի պաշտպանության բանակին արձագանքել Իրանի կողմից հրադադարի խախտումներին՝ Թեհրանի կենտրոնում գտնվող կառավարական թիրախների վրա մեծ ինտենսիվությամբ հարվածներ հասցնելով»,- հայտարարել է Իսրայել Կացը։

Ավելի վաղ Իսրայելի պաշտպանության բանակը հայտարարել էր Իրանի կողմից հրթիռների արձակման մասին՝ Իսրայելի և Իրանի միջև հրադադարի ուժի մեջ մտնելուց հետո։