«Իսրայելը համաձայնել է Թրամփի առաջարկած հրադադարին»․ Նեթանյահուի գրասենյակ

Իսրայելը համաձայնել է Իրանի հետ երկկողմանի հրադադար կնքելու վերաբերյալ ԱՄՆ նախագահ Դոնալդ Թրամփի առաջարկին, քանի որ հասել է իր «գործողության նպատակներին»։ Այս մասին ասվում է Իսրայելի կառավարության հայտարարության մեջ։

«Գործողության նպատակներին հասնելու լույսի ներքո և նախագահ Թրամփի հետ լիակատար համակարգմամբ՝ Իսրայելը համաձայնել է երկկողմանի հրադադար կնքելու վերաբերյալ ԱՄՆ նախագահի առաջարկին։

Իսրայելը վճռականորեն կարձագանքի հրադադարի ցանկացած խախտմանը»,- ասվում է հայտարարության մեջ։

«Իսրայելի պաշտպանության ուժերը լիակատար վերահսկողություն են հաստատել Թեհրանի օդային տարածքի նկատմամբ, լուրջ վնաս են հասցրել ռազմական ղեկավարությանը և ոչնչացրել Իրանի կենտրոնական կառավարության տասնյակ օբյեկտներ»,- հայտնել է Իսրայելի վարչապետ Նեթանյահուի գրասենյակը։