«Հայ եկեղեցու հետ հակամարտությունը Փաշինյանի համար կարող է տխուր ավարտ ունենալ». Արա Աբրահամյան

«Գործարար և բարերար Սամվել Կարապետյանի կալանավորումը մեծ արձագանք է ստացել և բացասական ընկալվել հայկական սփյուռքում»,- «Ռիա նովոստի»-ին հայտնել է Ռուսաստանի հայերի միության նախագահ Արա Աբրահամյանը։

«Նա շատ հայտնի, հարգված անձնավորություն է, նրան ամբողջ աշխարհում ճանաչում և հարգում են որպես գործարար և բարերար։ Նա շատ բան է անում հանրապետության և աշխարհի հայերի համար։ Այդ իսկ պատճառով, իհարկե, նրա կալանավորման հարցը հիմա քննարկվում է, ես հիմա ուղղակի չեմ կարողանում աշխատել. հեռախոսն անընդհատ զանգում է», - նշել է Աբրահամյանը։

ՌԴ հայերի միության նախագահը հիշեցրել է, որ միությունը ստորագրել է նամակ՝ ի պաշտպանություն Կարապետյանի, որը ստորագրել են 40 տարածաշրջանային մասնաճյուղերի ղեկավարներ։

Աբրահամյանի խոսքով՝ հայ եկեղեցու հետ հակամարտությունը Փաշինյանի համար կարող է տխուր ավարտ ունենալ, քանի որ եկեղեցին հայ հասարակության հիմքն է, իսկ Հայաստանը՝ Փաշինյանի սեփականությունը չէ։