Ինքնաթիռի կործանման հետևանքով զոհերի թիվը հասել է 133-ի

Հնդկաստանում ինքնաթիռի կործանման հետևանքով զոհվել է առնվազն 133 մարդ, հաղորդում է News18-ը։

Մասնագետների կարծիքով՝ ինքնաթիռը վթարի է ենթարկվել թռչունների հետ բախման պատճառով:

Ինքնաթիռում ընդհանուր առմամբ եղել է 242 մարդ՝ 230 ուղևոր, երկու օդաչու և անձնակազմի 10 անդամ։ Air India-ի տվյալներով՝ ինքնաթիռում գտնվող 169 ուղևորներ Հնդկաստանի քաղաքացիներ էին, 53-ը՝ Բրիտանիայի, յոթը՝ Պորտուգալիայի և մեկը՝ Կանադայի։

Բժիշկների համար նախատեսված հանրակացարանի տանիքին բախվելուց հետո, հնարավոր է, առնվազն 20 բժիշկ-ուսանող է զոհվել, հայտնում են տեղական իշխանությունները։

Ավելի վաղ հաղորդվել էր Հնդկաստանի Ահմադաբադ քաղաքի օդանավակայանի մոտակայքում ուղևորատար ինքնաթիռի կործանման մասին։