Լոս Անջելեսում ցուցարարները սկսել են բարիկադներ կառուցել

Լոս Անջելեսում ցուցարարները սկսել են բարիկադներ կառուցել, հաղորդում է РИА Новости-ն։
Երբ ոստիկանությունը ռետինե փամփուշտներով և արցունքաբեր գազով ցրել է ցուցարարներին, նրանք վերախմբավորվել են և սկսել բարիկադներ կառուցել։

Հաղորդվում է, որ առավոտյան ցուցարարների թիվը նվազել է, բայց իրավիճակը շարունակում է լարված մնալ։ Ցուցարարները հարձակվել են ոստիկանական մեքենաների վրա, նաև խանութներ ջարդել։

Հիշեցնենք՝ Լոս Անջելեսում անկարգություններն սկսվել հունիսի 7-ին՝ անօրինական ներգաղթյալների դեմ իրականացված միջոցառումների պատճառով։
Քաղաք են ուղարկվել Ազգային գվարդիայի զորքեր։
Սա տասնամյակների ընթացքում առաջին դեպքն է, երբ նախագահը Ազգային գվարդիան տեղակայում է՝ առանց նահանգի խնդրանքի կամ համաձայնության։ Քալիֆորնիայի նահանգապետը դատի է տվել Թրամփին։