Մոնտենեգրո-Հայաստան` 2:2

278

Երեքշաբթի, 10 հունիսի, 2025 թ., 00:00

Հայաստանի ֆուտբոլի ազգային թիմն ընկերական հանդիպում անցկացրեց Մոնտենեգրոյի ընտրանու հետ:

Մեկնարկային րոպեին Հայաստանի հավաքականն առաջ անցավ հաշվի մեջ: Մրցակցի պաշտպանների սխալից օգտվեց Էդուարդ Սպերցյանն, որը երկրորդ խաղում անընդմեջ դարձավ գոլի հեղինակ: 3 րոպե անց, սակայն, հաշվի հավասարությունը վերականգնվեց:

Երկրորդ կեսի մեկնարկին՝ 52-րդ րոպեին, տանտերերն առաջ անցան հաշվի մեջ: 81-րդ րոպեին մեր հավաքականը խփեց իր երկրորդ գոլը: Կրկին աչքի ընկավ Էդուարդ Սպերցյանը, որը գրավեց մրցակցի դարպասը տուգանային հեռահար հարվածով: Սպերցյանը դարձավ դուբլի հեղինակ:

Մոնտենեգրո-Հայաստան՝ 2:2:

Հայաստանի ֆուտբոլի ազգային թիմը հաջորդ հանդիպումը կանցկացնի արդեն սեպտեմբերին՝ աշխարհի առաջնության որակավորման փուլի շրջանակներում հյուրընկալելով Պորտուգալիայի հավաքականին:

Ջոն վան՛տ Սխիպի հետխաղային մամուլի ասուլիսը