Շվեյցարիայում սառցադաշտի պոկվելու հետևանքով գյուղ է ավերվել

Շվեյցարիայի Վալե կանտոնի Բլաթեն գյուղի մեծ մասն ավերվել է Ալպերում պոկված սառցադաշտի պատճառով, հաղորդել է The Guardian-ը՝ հղում անելով տեղական լրատվամիջոցներին։

Տարածաշրջանային անվտանգության ծառայության ղեկավար Ստեֆան Գանցերի խոսքով՝ «գյուղի մոտ 90%-ը կամ ծածկված է ցեխաջրով, կամ էլ ավերված է»։ Նրա խոսքով՝ իրավիճակը կարող է վատթարանալ։

Տեղական ինքնակառավարման մարմնի խոսնակ Մաթիաս Էբեները հայտնել է, որ առնվազն մեկ մարդ անհետ կորած է։

Բլաթեն գյուղը մոտ 300 բնակիչ ունի։ Բնակիչներին տարհանել են մայիսի 19-ին, այն բանից հետո, երբ երկրաբանական ծառայությունը զգուշացրել է հնարավոր ձնահոսքի մասին։