Պայթյունի հետևանքով զոհվել է Ստավրոպոլի փոխքաղաքապետը

ՌԴ Ստավրոպոլ քաղաքի Չեխովի փողոցում տեղի ունեցած պայթյունի հետևանքով մահացել է Հատուկ ռազմական գործողության վետերան, Ստավրոպոլի փոխքաղաքապետ Զաուր Գուրցիևը։

«Դիտարկվում են բոլոր վարկածները, այդ թվում՝ Ուկրաինայից եկած նացիստների մասնակցությամբ ահաբեկչական հարձակման կազմակերպումը», - ասել է շրջանի նահանգապետը։

Պայթյունից առաջ Զաուրը կանգնած էր տան մուտքի մոտ, նրան մոտեցել է մի տղամարդ՝ ձեռքին ունենալով հեռախոս և ուսին՝ պայուսակ։ Մոտենալուց անմիջապես հետո տեղի է ունեցել պայթյուն։ Երկուսն էլ մահացել են։

Ըստ Mash-ի՝ պայթյունը կազմակերպած տղամարդն ապրում էր նույն շենքում վարձակալած բնակարանում։

Նախնական տվյալներով՝ խոսքը 29-ամյա Նիկիտա Պենկովի մասին է։

Գիշերը ժամը 23:00-ի սահմաններում նա մոտեցել է Զաուր Գուրցիևին և պայթեցրել նռնակը։