Ողբերգական դեպք՝ Երևանի նոր կառուցվող էլիտար շենքում

Այսօր՝ մայիսի 23-ին, Երևանում, աշխատանքային կանոնների չպահպանման պատճառով, հերթական ողբերգական դեպքն է տեղի ունեցել նոր կառուցվող էլիտար շենքերից մեկում։ Ինչպես հայտնում է Գագիկ Շամշյանը, ժամը 17:10-ի սահմաններում շտապօգնության բժշկի կողմից ՆԳՆ ահազանգ է ստացվել, ով հայտնել է, որ իրենք կանչով մեկնել են Դավթաշեն վարչական շրջանի Փիրումյանների 13 հասցեում գտնվող նոր կառուցվող շենք, որտեղ հայտնաբերել են տղամարդու մարմին։ Պարզվել է, որ 12-րդ հարկից անզգուշաբար վայր է ընկել Արարատի մարզի բնակիչ 37-ամյա Կարեն Մ-ն, ով տեղում մահացել է։ Ֆոտոլրագրողի տեղեկություններով, մահացածը աշխատում էր «Բիդեք» ՍՊԸ-ին պատկանող՝ նոր կառուցվող շենքում՝ որպես բանվոր։