Հնդկաստանում տեղատարափ անձրևներից 45 մարդ է մահացել

Հնդկաստանի հյուսիսային Ուտար Պրադեշ նահանգում գիշերը տեղացած տեղատարափ անձրևների ու ամպրոպների հետևանքով առնվազն 45 մարդ է զոհվել, հաղորդում է Times of India թերթը։

Հաղորդվում է, որ տեղական իշխանությունները հետևում են իրավիճակին, և փրկարարական աշխատանքներ են ընթանում։ Աղետից տուժած ընտանիքներին խոստացվել է ֆինանսական օգնություն։

Նշվում է, որ ամենամեծ վնասը հասցվել է գյուղական վայրերին։ Դրանցից մի քանիսը հայտարարել են եղանակային տագնապի «կարմիր» և «նարնջագույն» մակարդակներ։

Եղանակի տեսության տվյալներով՝ ուժեղ անձրևները և 60-ից 100 կմ/ժ արագությամբ ուժեղ քամիները կշարունակվեն մինչև երկուշաբթի։