«Բանկային համակարգի թերացումները լրջագույն սպառնալիք են»․ Մհեր Կարագոզյան

Հանրային վերահսկողություն ՀԿ նախագահ Մհեր Կարագոզյանի ֆեյսբուքյան գրառումը․ «Բանկային համակարգի թերացումները՝ լրջագույն սպառնալիք քաղաքացիների իրավունքներին։
Վերջերս ՀՀ գլխավոր դատախազը պաշտոնապես անդրադարձավ բանկային համակարգում առկա թերի պաշտպանվածության խնդիրներին, ներկայացնելով վկայությունները և մատնանշելով մի շարք խիստ մտահոգիչ թերություններ։
Այս իրադրությունը լուրջ մտահոգություն է առաջացնում հատկապես այն պարագայում, երբ ակնհայտ է դառնում, որ բանկերի կողմից բավարար պաշտպանական մեխանիզմների բացակայության հետևանքով վտանգվում են քաղաքացիների ֆինանսական իրավունքները և շահերը։
Հաշվի առնելով վերը նշված հանգամանքները՝ անհրաժեշտ է արձանագրել, որ բանկերի կողմից հաճախ կիրառվող վարկային և այլ պահանջները քաղաքացիների նկատմամբ հանդիսանում են իրավական առումով անընդունելի և անհիմն։ Հետևաբար, այդ պահանջները պետք է ճանաչվեն ոչ իրավաչափ և անհապաղ չեղարկվեն՝ քաղաքացիների իրավունքների վերականգնման և արդարության վերականգնման նպատակով»։