««Գոյ» թատրոնի դատական գործընթացը նոր փուլում է»․ Սարգիս Արզումանյան

«Գոյ» թատրոնի կառավարման խորհրդի նախագահ Սարգիս Արզումանյանի ֆեյսբուքյան գրառումը․ «Գոյ թատրոնի դատական գործընթացը նոր փուլում է. հաջորդ նիստը՝ մայիսի 16-ին
Դատական նիստի ընթացքում դատավորը պահանջեց կողմերից որոշակի պարզաբանումներ, ինչը հնարավորություն տվեց մեր միջնորդությունն առաջ մղել։ Դատարանը բավարարեց հայցի հստակեցման և պահանջի որոշ հատվածներ՝ մասնավորապես, Գոյ թատրոնի աշխատակիցներին աշխատանքից հեռացնելու հրամանները անվավեր ճանաչելը։
Սա կարևոր է մեր պայքարում, քանի որ հաստատում է, որ Գոյի աշխատակիցների իրավունքները չեն կարող անտեսվել։ Թեև մեր մյուս պահանջները դեռ սպասում են արդարադատությանը, դատարանը որոշում կայացրեց անցնել դատաքննության փուլ։ Հաջորդ դատական նիստը կկայանա մայիսի 16-ին, ժամը 15:30-ին։
Մեր պայքարը շարունակվում է, և մենք կանգ չենք առնելու, քանի դեռ արդարությունը ամբողջությամբ վերականգնված չէ։ Մշակույթը չի կարող լինել խոչընդոտների և կամայական որոշումների զոհ»։