Ռուսներն սկսել են Ուկրաինայում թունավոր նյութերով «Շահեդներ» գործարկել

Ռուս զինվորականներն Ուկրաինային հարվածներ հասցնելու համար սկսել են օգտագործել «Շահեդ» տիպի հարվածային անօդաչու թռչող սարքեր՝ հագեցած թունավոր նյութերով: Այս մասին հայտնում են ուկրաինական լրատվականները:

Ապատեղեկատվության հակազդման կենտրոնը նշում է, որ այս տեղեկությունը ճշտել է հատուկ ծառայությունների և Ուկրաինայի արտակարգ իրավիճակների պետական ​​ծառայության հետ։ Հայտնի է, որ անօդաչու թռչող սարքերից մեկում հայտնաբերվել է խտացված մարտական ​​թունավոր «CS» նյութով պարկուճ։ Այն խիստ թունավոր իրիտանտ է (գրգռիչ):