«75 տարեկան տատիկի հետ բա էսպես կվարվե՞ն»․ Ռուբեն Մելիքյան

Փաստաբան Ռուբեն Մելիքյանը տեսանյութ է հրապարակել՝ կից գրառմամբ․ «75 տարեկան տատիկի հետ բա էսպես կվարվե՞ն։ Ամո՛թ ու մի անգամ ևս ամո՛թ։
Հիշեցնեմ, որ Կիմա տատիկը անազատության մեջ պահվեց ուղիղ 72 ժամ»:

Տեսանյութում գյումրեցի Կիմա տատիկը պատմում է․

«Էդ ինչքան մարդ եկավ ինձ քննեց, ինչքան հաշիվ մազերիս կա։ Էնի քննեց, ընոր տվավ, էնի քննեց, ընոր տվավ, ինձի կստիպեն, թե ըսա՝ փող, փող։ Տո ի՞նչ փող, փողի հարց չի եղել, առաջարկություն չի եղել։ Ինձի փող չեն տվել, ես ուրիշի փող չեմ տվել, ոչ էլ խոստացել եմ։

Եկան քաշեցին, միլիցիա էին, ինչ էին, հմա ավտոից չէի իջել, էնպես քաշին, գցեցին ավտոն, աչքերը վրես չռեցին, մատով էսպես կեներ, որ հանկարծ չխոսամ։ Ասի՝ տղա՛ ջան, մարդասպա՞ն եմ, խուլիգա՞ն եմ, ի՞նչ եմ, ասեց՝ սուս, թե չէ քեզի էս է, կտանենք, կփակենք»։