Թալանել են «Միլենա Սուիթ» ՍՊԸ-ի տնօրենի «Infiniti»-ն

Մարտի 25-ին գողության դեպք է տեղի ունեցել Երևանում։ Ժամը 13։35-ի սահմաններում ՆԳՆ ոստիկանության քրեական ոստիկանության գլխավոր վարչության Երևան քաղաքի քրեական վարչությունում օպերատիվ տեղեկություններ են ստացվել, որ Րաֆֆու փողոցում ավտոմեքենայից գողացել են պայուսակ, որում եղել է խոշոր չափի գումար և ոսկյա զարդեր։ Ինչպես հայտնում է Գագիկ Շամշյանը, դեպքի վայր մեկնած քրեական ոստիկաններին Երևանի բնակիչ 40-ամյա Ռոզա Հ-ն հայտնել է, որ նույն օրը՝ ժամը 12։40-ից մինչև 13։15-ն ընկած ժամանակահատվածում, օգտվելով Րաֆֆու փողոցի թիվ 35 շենքի հետնամասում կայանված «Infiniti» մակնիշի ավտոմեքենայի դռները բաց լինելու հանգամանքից, սրահից գողացել են պայուսակ։ Նա հայտնել է նաև, որ պայուսակում եղել է 2150 դոլար, 395 հազար դրամ և 680 գրամ ոսկյա զարդեր: Ֆոտոլրագրողի տեղեկություններով՝ Ռոզա Մ-ն «Միլենա Սուիթ» ՍՊԸ-ի տնօրենն է։