«Քննչականի նախագահը հայտարարեց, թե Տիգրանի գործը գտնվում է իր անմիջական վերահսկողության ներքո». Դավիթ Ղահրամանյան

Արցախցի լուսանկարիչ Դավիթ Ղահրամանյանը գրում է․ «ՀՀ Քննչական կոմիտեում տեղի է ունեցել Տիգրան Ուլուբաբյանի՝ ժամեր տևած հարցաքննությունը, որին ներկա էր նաև փաստաբան Ռոման Երիցյանը։ Վերջիններիս ընդունեց քննչականի նախագահը, որն էլ հայտարարեց, որ Տիգրանի գործը գտնվում է իր անմիջական վերահսկողության ներքո՝ խոստանալով, որ տարվելու է օբյեկտիվ և արդար քննություն, ինչի վրա փաստաբանը կասկածում է, պարզաբանելով, որ ըստ Քննչական կոմիտեի նախագահի խոսքերի՝ մեկ անձի ցուցմունքի հիման վրա անձանց նկատմամբ ձերբակալման գործողություն չի իրականացվում։ Դրան անհրաժեշտ է նախորդի՝ 1. փորձաքննություն, 2. ենթադրյալ կասկածվողների հարցաքննություն, այնուհետև առերես հարցաքննություն, ինչի հետ Տիգրանի պաշտպանը համաձայն չէ։
Հիշեցնեմ, որ առերես հարցաքննությունը տեղի կունենա արդեն այսօր՝ մարտի 21-ին, Ժանը 16:00 ին, նույն վայրում։ Այնուամենայնիվ փաստաբանը գոհ է մնացել, ՔԿ նախագահի հետ հանդիպումից՝ շեշտելով, որ նախագահը բավականին լուրջ հանձնարարականներ է տվել վարույթն իրականացնող քննիչին, որոնց մասին Երիցյանը քննության գաղտնիությունից ելնելով չցանկացավ բարձրաձայնել։
Փաստաբանը նաև հրապարակեց Լոռու մարզի դատական բժշկության բաժնի փորձագետ Քոսյանի դատաբժշկական եզրակացությունը, որտեղ մասնավորապես նշված է, որ Տիգրան Ուլուբաբյանի դատաբժշկական փորձաքննությամբ մարմնական որևէ վնասվածք չի հայտնաբերվել՝ հերքելով հիվանդանոցից տրված արձանագրությունը, որտեղ շեշտվում է Տիգրան Ուլուբաբյանի գլխի հատվածում տարբեր տեսակի մարմնական վնասվածքների առկայությունը՝ սալջարդներ ականջի շրջանում, գլխի հետևի շրջանում, ծոծրակին շրջանում։
Որից հետո փաստաբանը միջնորդել է կրկնակի դատաբժշկական փորձաքննություն՝ կասկածներ ունենալով Լոռու մարզի դատաբժշկական փորձագետի եզրակացության օբյեկտիվության վերաբերյալ։
ՔԿ-ի շենքի դիմաց հավաքված քաղաքացիները, որպես բողոքի և անհամաձայնության նշան կարճ ժամանակով փակեցին Մամիկոնյանց փողոցը, որից հետո հայտարարվեց, որ կրկին կհավաքվեն ժամը 16:00 ին՝ հաջակցություն Տիգրան Ուլուբաբյանի»։