Երևանում՝ բնակարանի լոգարանում հայտնաբերվել է տղամարդու դի և նամակ

Այսօր՝ մարտի 8-ին, առեղծվածային ու ողբերգական դեպք է տեղի ունեցել Երևանում: Ժամը 14:30-ի սահմաններում ՀՀ ՆԳՆ ոստիականության համայնքային ոստիկանության էրեբունու բաժնում օպերատիվ տեղեկություններ են ստացվել, որ Արցախի փողոցի շենքերից մեկի բնակարանում տղամարդու դի կա:

Ինչպես հայտնում է Գագիկ Շամշյանը, նշված շենքի բնակարաններից մեկի լոգարանում ոստիկանները հայտնաբերել են տղամարդու դի, տան որոշ հատվածներում էլ՝ արնանման հետքեր, դանակ: Պարզվել է, որ մահացածը Երևանի բնակիչ 88-ամյա Արտակ Գ.-ն է: Դեպքի վայրում հայտնաբերվել է նաև նամակ, որը, ըստ նախնական տեղեկությունների, Ա. Գ.-ն է գրել՝ մահից առաջ: