«Ըստ Արման Եղոյանի՝ Ադրբեջանն է խոչընդոտում ՀՀ-ում սահմանադրական բարեփոխումներին»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Քաղաքական կլոունադա Արման Եղոյանի կողմից․
Փետրվարի 25-ին Երևանում ընթացող Հայաստան-ԵՄ խորհրդարանական գործընկերության կոմիտեի 4-րդ նիստի շրջանակներում Հայաստան-Եվրամիություն խորհրդարանական գործընկերության կոմիտեի համանախագահ Նիլս Ուշակովսի հետ համատեղ ասուլիսին ԱԺ եվրոպական ինտեգրացիայի հարցերի հանձնաժողովի նախագահ Արման Եղոյանն անդրադառնալով Ադրբեջանի ԱԳ փոխնախարարի հայտարարությանը, թե իրենք սպասում են, որ Հայաստանը կհաղթահարի կարգավորման գործընթացի հիմնական խոչընդոտը Սահմանադրության փոփոխությունների միջոցով՝ օրինական կերպով հրաժարվելով Ադրբեջանի նկատմամբ տարածքային պահանջներից, և հայտարարեց․ «Ադրբեջանի ներկայացուցիչները, հրաշալի իմանալով, թե ինչ ռեակցիա է դա բերելու Հայաստանում, ցանկանում են նմանատիպ հայտարարություններով թույլ չտալ Հայաստանում կատարել սահմանադրական բարեփոխումներ, ես այդպես եմ դա գնահատում»։ Ուրեմն՝ ըստ Եղոյանի, Ադրբեջանն է խոչընդոտում Հայաստանում սահմանադրական բարեփոխումներին։ Անցած գրեթե 7 տարում ինչո՞ւ սահմանադրական բարեփոխումներ չէիք անում, հիմա էլ ՀՀ Սահմանադրությունը փոխելու Ադրբեջանի անթաքույց, սպառնալի պահանջը ներկայացնում եք որպես Ադրբեջանի կողմից խոչընդոտում Հայաստանում սահմանադրական բարեփոխումներին։ Դուք ձեր ասածին հավատո՞ւմ եք։ Արման Եղոյանի կողմից՝ քաղաքական կլոունադա։ Ծա՛փ տվեք, դումբ-դումբ-հու արե՛ք»։