ԵԽ-ն չեղարկել է Սիրիայի հանդեպ պատժամիջոցների մի մասը

Եվրոխորհուրդը որոշում է կայացրել կասեցնել Սիրիայի դեմ մի շարք սահմանափակող միջոցներ։

Ըստ մամուլի հաղորդագրության՝ որոշումը ԵՄ-ի ջանքերի մի մասն է՝ աջակցելու երկրում իշխանության անցմանը, ինչպես նաև դրա արագ տնտեսական վերականգնմանը, վերակառուցմանը և կայունացմանը: Փաստաթղթում նշվում է, որ Եվրոմիությունը ձգտում է հեշտացնել փոխգործակցությունը Սիրիայի, նրա բնակչության և բիզնեսի հետ էներգետիկայի և տրանսպորտի առանցքային ոլորտներում, ինչպես նաև պարզեցնել այդ ոլորտներին առնչվող ֆինանսական և բանկային գործարքները, որոնք անհրաժեշտ են մարդասիրական նպատակների իրականացման համար:

*Եվրոպայի խորհուրդը որոշել է դադարեցնել ոլորտային միջոցառումներն էներգետիկայի (ներառյալ նավթ, գազ և էլեկտրաէներգիա) և տրանսպորտի ոլորտներում, հանել հինգ կազմակերպությունների (Industrial Bank, People's Credit Bank, Savings Bank, Agricultural Cooperative Bank և Syrian Arab Airlines) այն կազմակերպությունների ցանկից, որոնց ֆոնդերը և տնտեսական ռեսուրսները ենթակա են սառեցման,

*թույլատրել միջոցներ և տնտեսական ռեսուրսներ տրամադրել Սիրիայի Կենտրոնական բանկին,

*որոշակի բացառություններ մտցնել ԵՄ անդամ երկրների տարածքում սիրիական բանկերի և ֆինանսական հաստատությունների միջև բանկային հարաբերությունների հաստատման արգելքից,

*անորոշ ժամանակով երկարացնել գոյություն ունեցող մարդասիրական միջոցառումները,

*Սիրիա շքեղության ապրանքների արտահանման արգելքից բացառություն մտցնել անձնական օգտագործման ապրանքների համար։

Փաստաթղթում նշվում է, որ «Ասադի վարչակարգի տապալումը նշանավորում է սիրիացի ժողովրդի հույսի նոր դարաշրջանի սկիզբը»։