«Մարդկանց մեծ մասը վարում է նստակյաց կյանք, ինչն առաջացնում է առողջական խնդիրներ»․ Արմեն Մուրադյան

ԵՊԲՀ ռեկտոր Արմեն Մուրադյանի ֆեյսբուքյան գրառումը. «Առողջ ապրելակերպի պակասը լրջագույն խնդիր է մեր երկրում։
Գաղտնիք չէ՝ մարդկանց մեծ մասը վարում է նստակյաց կյանք, քիչ է զբաղվում սպորտով, ինչը նպաստում է ճարպակալմանը, սրտանոթային հիվանդություններին և այլ խնդիրների առաջացմանը։
Հարցում ենք իրականացրել, և այսպես՝ մեր կողմից հարցվածների 24.6%-ն ընդհանրապես ժամանակ չի տրամադրում ֆիզիկական ակտիվությանը, 16.8%-ը՝ 15-30 րոպե է մարզվում շաբաթական, 12.3%-ը շաբաթական ընդամենը 1 ժամ է ֆիզիկապես ակտիվ լինում, 18.9%-ը 100-150 րոպե են հատկացնում մարզվելուն, 25.2%-ը բավականին շատ ժամանակ են շաբաթական ֆիզիկապես ակտիվ լինում, մասնավորապես՝ 3-6 ժամի միջակայքում, իսկ 2.2%-ը դժվարացել են ժամանակ նշել»: