Երևան`   0 °C
Այսօր`   Երկուշաբթի, 24 փետրվարի, 2025 թ.

«Ֆրանսիայի դեսպանն ո՞ւմ ասեղն է թելում». Մարգարիտ Եսայան

74
Այսօր, 19:18
«Ֆրանսիայի դեսպանն ո՞ւմ ասեղն է թելում». Մարգարիտ Եսայան

ՀՀԿ ԳՄ անդամ Մարգարիտ Եսայանի ֆեյսբուքյան գրառումը. «Pourquoi mentez-vous, Monsieur l’Ambassadeur?
ՀՀ-ում Ֆրանսիայի դեսպանի հայտարարությունը խիստ տարակուսելի է։ Ինչո՞ւ այդ անձը քնեց-քնեց և հանկարծ որոշեց հիմա այդքան կեղծ, սուտ, մտացածին հայտարարություն անել՝ ասելով․ «Նրանք, ովքեր պնդում են, թե Լեռնային Ղարաբաղն Ադրբեջանի մաս է ճանաչվել 2022 թվականին՝ Պրահայում, ստում են, որովհետև Լեռնային Ղարաբաղը Հայաստանի կողմից Ադրբեջանի մաս է ճանաչվել Ալմա Աթայի հռչակագրի պահից սկսած»։ Այս կեղծիքի պատճառները, ըստ իս, հստակ են՝ պարոն դեսպանը սրանով փորձում է իբր փրկել իր երկրի նախագահին՝ փորձելով մոռացության տալ, որ նույն Պրահայում, երբ նիկոլը Արցախը ճանաչեց ադրբեջանի մաս, ներկա էր նաև Մակրոնը։ Անցել է երկու տարուց ավելի, բոլորը տեսել են սա, անգամ պարոն Բորելը դրանից հետո հայտարարեց, որ նիկոլը ՀՀ միակ ղեկավարն է, որ Արցախը ճանաչեց Ադրբեջանի կազմում։ Բացի սա, Ֆրանսիան երեսուն և ավելի տարի ԵՄ-ն ներկայացրել է ԵԱՀՄ Մինսկի խմբում և մշտապես եղել է կառուցողական՝ շատ լավ, փաստարկված տեղյակ լինելով, որ Արցախի Հանրապետությունը երբեք չի եղել ադրբեջանի մաս։ Եվ այդ թվերին ու դրանից հետո երբեք չի ասել, թե Ալմա Աթայի թղթով Արցախը Ադրբեջանի մաս է։ Նման բան չի եղել ու չի էլ քննարկվել։ Վկան՝ բազմաթիվ բանաձևեր, հայտարարություններ և, ի վերջո, ամբողջ բանակցային գործընթացը։ Նաև Ֆրանսիայի նախկին նախագահներ պարոն Սարկոզիի, Հոլանդի, ֆրանսիացի համանախագահող անձանց հարցազրույցները և հայտարարությունները։ Ուստի, շատ հստակ հարց է առաջանում, այսօրվա Ֆրանսիան՝ իր դեսպանով և նախագահով, ո՞ւմ ասեղն են թելում, ի՞նչից են փորձում փրկվել և ի՞նչ նպատակով են կեղծում պատմական իրողությունը»:

Աղբյուրը`   Մարգարիտ Եսայան