«Ուզում եմ, որ Ղազանչեցոցի հրեշտակը դառնա հայ ռազմագերիների ազատության համար պայքարի խորհրդանիշ». Արմեն Աշոտյան

Դատական նիստի ավարտից հետո կայացած ճեպազրույցում ՀՀԿ փոխնախագահ Արմեն Աշոտյանը պարզեց Շուշիի Ղազանչեցոց եկեղեցու չորս հրեշտակներից մեկի նկարն ու բացատրեց, թե ինչու է այն բերել իր հետ. «Ուզում եմ առաջարկել, որ այս խորհրդանիշը դառնա հայ ռազմագերիների ազատության համար պայքարի խորհրդանիշ: Մեր պայքարը մի տեսակ տարերային բնույթ է կրում և համակարգելու խնդիր կա: Կարծում եմ՝ ճիշտ կլինի համազգային ապակենտրոն պայքար լինի և որոշակի խորհրդանշող կերպար է պետք»: