Բուժառուն հարձակվել է բուժաշխատողի վրա. վերջինս տեղափոխվել է հիվանդանոց

Այսօր՝ փետրվարի 21-ին, Շիրակի մարզում բռնություն է կիրառվել իր մասնագիտական աշխատանքը կատարող բուժաշխատողի նկատմամբ:

Ինչպես հայտնում է Գագիկ Շանշյանը, ժամը 04:30-ի 05:00-ի սահմաններում Ազատան գյուղից կանչ է ստացվում Գյումրի քաղաքի շտապօգնություն և նշված կանչի վայր է մեկնում Գյումրու շտապօգնության կայանի բուժբրիգադը՝ բուժակ Մհեր Քոլոյանի գլխավորությամբ: Հասնելով բուժառուի տուն, երբ բուժակը փորձում է անցնել իր աշախատանքի կատարմանը՝ զննելով պացիենտին, վերջինը հարձակվում է բուժակի վրա, կիրառում է բռնություն, անգամ օգտագործելով մոխրաման՝ հարվածելով բուժակի մարմնի տարբեր մասերին և դեմքին: Բուժակը, ով 44-օրյա պատերազմի ակտիվ մասնակից է, տեղափոխվում է հիվանդանոց: