«Քրեական վարույթով անցնող Բեգոյանին Մարությանն աշխատանքից ազատել էր, Ավինյանը վերադարձրել է»․ Պեդրո Զարոկյան

2020-ից «Կանաչապատում» ՀՈԱԿ-ում Բեգոյանի գլխավորությամբ հարուցվել է քրեական գործ, սակայն մինչ օրս մեղադրանք չի առաջադրվել և Քննչական կոմիտեի կից գրության համաձայն՝ նախաքննությունը շարունակվում է։ Բեգոյանին աշխատանքից ազատել էր քաղաքապետ Մարությանը, իսկ Ավինյանը վերադարձրել է Բեգոյանին և ավելացրել է Կանաչապատում ՀՈԱԿ-ի բյուջեն՝ 5 միլիոն դոլարից դարձնելով 12 միլիոն դոլար։
Մինչդեռ ծախսերի կասկածելի կտրուկ աճեր են տեղի ունեցել այդ թվում՝ դիզվառելիքի, տեխնիկայի վարձակալության, վերանորոգման աշխատանքներ, ճանապարհորդությունների, իսկ Հայաստանից 600-5000 դրամով գնվող տնկիների փոխարեն ներմուծվում են տնկիներ՝ 70.000-255.000 դրամով՝ տնկարաններից ուղղակի գնումների փոխարեն կոռուպցիոն սխեմաների միջոցով»։