«Սեփական անճարակության բեռը դրել են վարորդների ուսերին»․ Լիզա Ճաղարյան

Լրագրող Լիզա Ճաղարյանի ֆեյսբուքյան գրառումը․ «Շատ ժամանակ չի անցել, և բոլորդ էլ հաստատ դեռ հիշում եք, որ տրանսպորտային «բարեփոխումից» հետո ավտոբուսների վարորդները ուղևորներին ՉԷԻՆ ՀՈՐԴՈՐՈՒՄ, որ տոմս գնեն։ Մի օր էլ արթնացանք, ու պարզվեց՝ արդեն ՀՈՐԴՈՐՈՒՄ ԵՆ։ Սա հիշեցի հայտնի միջադեպից հետո։ Բոլորիս էլ պարզից պարզ է, որ ՀՈՐԴՈՐԵԼՈՒ հրահանգը տվել էին քաղաքապետարանից։ Հակառակ դեպքում՝ վարորդը բոլորովին պարտավոր չէ ուղևորներին մեղադրել կամ հարկադրել, որ տոմս գնեն։ Նրա պարտականությունը ուղևորներին անփորձանք տեղ հասցնելն է։ Փաստորեն սրանք «բարեփոխումն» արել են ու սեփական անճարակության բեռը դրել վարորդների ուսերին, իսկ իրենք տաքուկ–փափուկ փռված են բազկաթոռներին։
Նման միջադեպեր էլի են լինելու, եթե վարորդները շարունակեն կատարել էս վախկոտ իշխանության հրահանգը»։