«Մետրոյում բարեփոխում տեղի չի ունեցել, ինչի՞ համար է թանկացել». Աննա Ավետիսյան

«Հանրային տրանսպորտի բոլոր տեսակները թանկացել են՝ ավտոբուսը և մետրոն 50 տոկոսով, տրոլեյբուսը շուրջ 3 անգամ»,- Երևանի ավագանու նիստում ասաց «Մայր Հայաստան» խմբակցության անդամ Աննա Ավետիսյանը և, դիմելով փոխքաղաքապետ Սուրեն Գրիգորյանին, հարցրեց. «Մետրոյում բարեփոխում տեղի չի ունեցել, ինչի՞ համար է թանկացել»: Գրիգորյանը պատասխանեց. «Ես մի արձանագրում կարող եմ անել, որ դուք մետրոյից չեք օգտվում: Եթե օգտվեիք, ձեզ մոտ այդ հարցը չէր առաջանա: Շարժակազմը հին է, բայց անգամ այդ հին շարժակազմերը վերանորոգվում և սպասարկվում են, որպեսզի կարողանան շահագործվել»: