Մերձավանում տեղի ունեցած աղմակահարույց սպանությունից հետո 3 անձ է կալանավորվել

Արմավիրի մարզի Փարաքար խոշորացված համայնքի Մերձավան բնակավայրի վարչական ղեկավար Մհեր Ախտոյանի տան մոտ հնչած կրակոցներից հետո 3 անձ է կալանավորվել։ Տեղեկությունը «Սպուտնիկ Արմենիա»-ին հայտնել է ՀՀ քննչական կոմիտեի նախագահի խոսնակ Կիմա Ավդալյանը։

ՔԿ-ն փետրվարի 5-ին հայտնել էր, որ Մերձավանում հնչած կրակոցների գործով 2 ձերբակալված կա։ «Քրեական հետապնդում է հարուցվել 9 անձի նկատմամբ։ 3-ի նկատմամբ խափանման միջոց կիրառվել է կալանքը, 3-ի նկատմամբ՝ տնային կալանքը»,- ասել է նա:

Հիշեցնենք՝ փետրվարի 5-ին՝ ժամը 00։40-ի սահմաններում, կրակոցներ են հնչել Մերձավանում, 1 մարդ սպանվել է, 1-ը՝ վիրավորվել։ Կրակոցները հնչել են Մհեր Ախտոյանի տան մոտ։

Առավել մանրամասն՝ սկզբնաղբյուրում: