«Գործադուլը շարունակվում է․ չեն կարող սպառնալիքներով ճնշել ընդվզումը»․ ԶՊՄԿ աշխատակից

ԶՊՄԿ-ի գործադուլը համակարգող խորհրդի անդամ Վահե Մխիթարյանը հայտնել է, որ գործադուլը շարունակվում է և ոչ ոք չի կարող սպառնալիքների և այլ ճնշումների ներքո կոտրել աշխատավորական ընդվզումը, ստիպել, որպեսզի գործարանը վերագործարկվի։ «Հերթափոխը հրաժարվել է վերագործարկել և դուրս է եկել արտադրամասի տարածքից։ Գնում ենք մինչև վերջ»,- ասում է նա՝ հայտնելով, որ այսօր ԶՊՄԿ աշխատակիցները ժամը 13:00-ին հավաքվելու են կոմբինատի բակում՝ պահանջելով երաշխիքներ։