Երևանում ավտովթարի հետևանքով կա 1 զոհ, 2 վիրավոր

Ողբերգական ելքով ավտովթար է տեղի ունեցել Երևանում։ Ժամը 20։40-ի սահմաններում «Հյուսիս-հարավ» նոր կառուցվող ճանապարհի դեռևս չշահագործվող հատվածում ճակատ ճակատի բախվել են «BMW» և «Mercedes» մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով մեկ հոգի տեղում մահացել է, 2 հոգու տեղափոխել են հիվանդանոց։

Նախաձեռնվել է քրեական վարույթ, պարզվում են մահացածի և վիրավորների ինքնությունը։