«Հայկ Մարությանը քաղաքապետ եղած ժամանակ ինչո՞ւ չի նախաձեռնել տրանսպորտի էժանացում». Սուրեն Գրիգորյան

«Հայկ Մարությանը, որը ընտրություններից առաջ ասում էր՝ գիշերային տրանսպորտ ենք ունենալու, հետո ասաց, որ ժամանակին աբսուրդ էր, որ ուզում էին թանկացնել տրանսպորտը, հիմա հիմնավոր չի, որ չեն ուզում թանկացնեն: Հիմա Հայկ Մարությանը լո՞ւրջ ասում է՝ կարելի է էսօր տրանսպորտը չթանկացնե՞լ, ինքը լուրջ ա՞ դա ասում»,-լրագրողների հետ զրույցում ասաց Երևանի փոխքաղաքապետ Սուրեն Գրիգորյանը՝ անդրադառնալով Հայկ Մարությանի՝ տրանսպորտի թանկացման դեմ ակցիաներին: «Երբ Հայկ Մարությանը քաղաքապետ էր, արդեն գույքահարկը տարեցտարի բարձրանում էր, քանի՞ անգամ ա տրանսպորտը էժանացրել էդ ժամանակ: Եթե ազնիվ ես քո ասածների մեջ, պետք ա ասեիր՝ «չնայած իմ կամքին հակառակ գույքահարկը բարձրացավ, ես հիմա նախաձեռնում եմ, որ տրանսպորտը էժանանա». նախաձեռնել ա՞, բա ինչո՞ւ չի նախաձեռնել»,- ընդգծեց փոխքաղաքապետը: