Ողբերգական ավտովթար՝ Երևան-Աշտարակ ճանապարհին

ՆԳՆ Փրկարար ծառայությունը հայտնում է, որ հունվարի 27-ին, ժամը 08:00-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Աշտարակ ավտոճանապարհին տեղի է ունեցել ՃՏՊ։

Աշտարակ-Երևան ավտոճանապարհի 5-րդ կմ-ին բախվել են «Toyota» մակնիշի ավտոմեքենան (վարորդ՝ Շ․ Խ․) և «Mercedes-Benz» մակնիշի բեռնատարը (վարորդ՝ Կ. Ն․) և հայտնվել ճանապարհի երթևեկելի հատվածից դուրս․ «Mercedes-Benz» մակնիշի բեռնատարը կողաշրջվել է, վարորդը տեղում մահացել է։

Մինչ փրկարարների կանչի վայր հասնելը՝ «Toyota» մակնիշի ավտոմեքենայի վարորդը հոսպիտալացվել է բժշկական կենտրոն։