Դատարանն արգելափակել է Թրամփի` ծննդյան իրավունքով քաղաքացիություն ստանալն արգելող օրենքը

Վաշինգթոն նահանգի շրջանային դատարանը ժամանակավորապես արգելափակել է ԱՄՆ-ի նախագահ Դոնալդ Թրամփի գործադիր հրամանը, որը սահմանափակում է ծննդյան իրավունքով քաղաքացիությունը: Այս մասին հայտնում է Seattle Times-ը։
«Ես դատավորի աթոռին նստած եմ եղել ավելի քան չորս տասնամյակ, և չեմ կարող հիշել մի ժամանակ, երբ տրված հարցի պատասխանն ավելի ակնհայտ լիներ: Սա կոպտորեն հակասահմանադրական կարգ է»,- մեջբերում է աղբյուրը դատավոր Ջոն Քոֆինուրի խոսքերը։

Երկուշաբթի օրն ԱՄՆ-ի նախագահի պաշտոնն ստանձնած Թրամփը գործադիր հրաման է ստորագրել, որով սահմանափակվում է ծննդյան իրավունքով ԱՄՆ-ի քաղաքացիության տրամադրումը։ Ինչպես հաղորդում է Reuters-ը, փաստաթուղթը նախատեսում է անօրինական ներգաղթյալների երեխաներին ծննդյան իրավունքով ամերիկյան քաղաքացիություն տրամադրելու սահմանափակումներ։