100-ամյա գործընկերություն Ուկրաինայի և Մեծ Բրիտանիայի միջև. հայտնի են համաձայնագրի մանրամասները
![]() Ուկրաինայի նախագահի աշխատակազմը հրապարակել է Ուկրաինայի ու Մեծ Բրիտանիայի և Հյուսիսային Իռլանդիայի Միացյալ Թագավորության միջև 100-ամյա գործընկերության համաձայնագրի տեքստը, որը նախատեսում է անվտանգության կապերի խորացում և գործընկերության ամրապնդում ապագա սերունդների համար։ Փաստաթղթի ներածական մասում, ի թիվս այլ բաների, նշվում է Ուկրաինայի եվրոպական և եվրատլանտյան նկրտումների աջակցությունը և Մեծ Բրիտանիայի աջակցությունը «Ուկրաինայի՝ ՆԱՏՕ-ին անդամակցելու անշրջելի ճանապարհին»։ Նշվում է նաև, որ Ուկրաինան «կշարունակի զարգացնել կոռուպցիայի դեմ պայքարի և կանխարգելման իր կարողությունը անվտանգության ոլորտում համագործակցության համաձայնագրով ստանձնած պարտավորություններին համապատասխան, մասնավորապես՝ շարունակելով աջակցել անկախ և համապատասխան ռեսուրսներով հակակոռուպցիոն ինստիտուտներին»: Համաձայնագրի հիմնական մասը բաղկացած է 14 հոդվածից։ Խոսվում է նաև ոլորտներ զարգացնելու մասին, որոնց կարևորությունը եվրոատլանտյան խաղաղության և կայունության համար շատ ավելի հեռուն է գնում, քան պատերազմի սահմաններն են՝ «գիտակցելով Ուկրաինայի կարևոր դերը եվրոատլանտյան անվտանգության պաշտպանության գործում և հատուկ ուշադրություն դարձնելով Ուկրաինայի փոխգործունակությանը և ներդրմանը՝ որպես ՆԱՏՕ-ի ապագա դաշնակցի»: Ծովային անվտանգության մասին հոդվածը հայտարարում է ծովային անվտանգության երկարաժամկետ համակարգային սպառնալիքների և մարտահրավերների դեմ պայքարելու մտադրության մասին՝ նպատակ ունենալով վերականգնելու նավագնացության ազատությունը։ «Կողմերը համագործակցություն են հաստատում ծովային անվտանգության ոլորտում, մասնավորապես՝ նպատակ ունենալով ամրապնդել անվտանգությունը Բալթիկ, Սև և Ազովի ծովերում»,- ասվում է դրանում։ Փաստաթուղթը նաև նախատեսում է միջոցներ ձեռնարկել պատասխանատվության ենթարկելու համար միջազգային իրավունքի կոպիտ խախտումներ կատարած պետություններին: Միգրացիայի մասին հոդվածում ասվում է, որ կողմերը աստիճանաբար քայլեր կձեռնարկեն՝ հեշտացնելու քաղաքացիների ճանապարհորդությունն ու այցելությունները միմյանց երկրներ: Համաձայնագիրն ուժի մեջ կմնա 100 տարի՝ ուժի մեջ մտնելու օրվանից, եթե կողմերից որևէ մեկը չդադարեցնի այն սահմանված ընթացակարգով։ Փաստաթղթում հնարավոր է փոփոխություններ կատարել նաև կողմերի փոխադարձ համաձայնությամբ։ Կողմերը կարող են կնքել լրացուցիչ համաձայնագրեր կամ պայմանավորվածություններ սույն համաձայնագրի իրականացման համար: |
Սերգեյ Լավրովը հեռախոսազրույց է ունեցել ԱՄՆ պետքարտուղար Մարկո Ռուբիոյի հետ
023:36«ՀՀ-ին է փոխանցվել տրանսպորտային միջոց․ հատիկ առ հատիկը իրոք հատիկ առ հատիկ է»․ Նիկոլ Փաշինյան
5123:12«Տպավորություն ունեմ, որ Գյումրիում ՔՊ-ն վերջացած թեմա է». Դերենիկ Մալխասյան
6323:00«Պարզվում է՝ արցախցիների «չկռվելու» պայմաններում ադրբեջանական բանակը կորուստներ է ունեցել». Տիգրան Աբրահամյան
5422:37Թրամփի և Պուտինի հանդիպումը հնարավոր է տեղի ունենա փետրվարի վերջին. #Bloomberg
7122:18Մյունխենում Սուրեն Պապիկյանը մասնակցել է պաշտոնական ճաշին
8721:21