Երևանում երկհարկանի բնակարան է այրվել․ կա երկու զոհ

Հունվարի 6-ին, ժամը 06:21-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևան քաղաքի Արարատյան փողոցի թիվ 90 շենքի բնակարաններից մեկում․ ներսում կան քաղաքացիներ։

Պարզվել է, որ հրդեհը բռնկվել է երկհարկանի բնակարանում։

Այն մեկուսացվել է ժամը 06:55-ին, մարվել՝ 07:50-ին։ Այրվել են բնակարանի 1-ին հարկի հյուրասենյակը (մոտ 30 քմ), միջանցքը՝ մասամբ (մոտ 15 քմ) և 2-րդ հարկը (մոտ 40 քմ): 2-րդ հարկում հայտնաբերվել են Ա․ Բ-ի (ծնված 1951թ.) և Լ․ Հ-ի (ծնված 1981թ.) դիերը: