«Ազատագրության ծրագիրը 2024-ին չենք կարողացել իրականացնել»․ Բագրատ Սրբազան

«Այն, ինչ որ ունեինք ծրագիր՝ ազատագրության իմաստով, 2024-ին չենք կարողացել իրականացնել՝ զուտ որպես քաղաքական դրսևորում, բայց այն, ինչ մտածել ենք, որ այս ամբողջ շարժման, պայքարի հիմքը պետք է լինի գաղափարական, ինքնութենական, հավատում եմ, որ այդտեղ հաջողել ենք»,- «Իմնեմնիմի փոդքասթ»-ի եթերում ասել է «Սրբազան պայքար» շարժման առաջնորդ Բագրատ Սրբազանը։ «Մենք կոտրել ենք այն միտքը, որ ժողովուրդը մեռած է․ ո՛չ, մեռած չէ, անզոր չէ։ Թեև շարժման ընթացքում որոշակի անկումներ են եղել, այդուհանդերձ, ժողովուրդը մեռած չէ»,- ասել է նա՝ հավելելով, որ ժողովրդի հետ կնքած ուխտն իրականացվելու է։