Մեծ Բրիտանիայում Ռուսաստանի դեսպանի աթոռը թափուր է ավելի քան 1 ամիս

Մեծ Բրիտանիայում Ռուսաստանի դեսպան Անդրեյ Կելինն ազատվել է պաշտոնից մեկ ամսից ավելի առաջ, կիրակի օրը հաղորդել է «Sunday Times»-ը։

Լոնդոնում Ռուսաստանի դեսպանատունը թերթին հաստատել է, որ Կելինն իր առաքելությունն ավարտել է հուլիսի 21-ին։ Սակայն, նշում է թերթը, նոր դեսպան դեռևս չի նշանակվել (դիվանագիտական ​​պրակտիկայում, դեսպան նշանակելուց առաջ պետությունը ստանում է ագրեման՝ ընդունող երկրի համաձայնությունը՝ նոր ներկայացուցչի համար), և «ինչքան որ մենք գիտենք, դեսպանատան աշխատակիցները պատկերացում չունեն, թե երբ կարող է նշանակվել նրա իրավահաջորդը»։ «Sunday Times»-ը, որին հետևում են բազմաթիվ բրիտանական լրատվամիջոցներ, այս իրավիճակը մեկնաբանել է՝ որպես Մոսկվայի դժգոհության նշան Լոնդոնի կողմից Ուկրաինային ցուցաբերվող աջակցության նկատմամբ։

«Sunday Times»-ի հոդվածի հրապարակումից հետո դեսպանատունն իր Telegram ալիքում գրել է. «Նրա մեկնաբանության մեջ ոչինչ հիմք չի տալիս պնդելու, որ ռուսական կողմը մտադիր է իջեցնել մեր երկրների միջև դիվանագիտական ​​հարաբերությունների մակարդակը։ Նման եզրակացությունները պատկանում են միայն հոդվածի հեղինակին և հիմնված են նրա անանուն աղբյուրների դատողությունների վրա»։

Դեսպանատան տվյալներով՝ «ինչ վերաբերում է ռուս-բրիտանական հարաբերությունների որակին բոլոր ոլորտներում, դրանց աննախադեպ ցածր մակարդակի անկումը տեղի է ունեցել բացառապես Լոնդոնի նախաձեռնությամբ»։