Մահացած ամուսինները վիրահայեր էին, սպասում էին իրենց 4-րդ երեխային

Ինչպես հայտնել ենք, այսօր ողբերգական ավտովթար է տեղի ունեցել Գյումրի-Մայիսյան ավտոճանապարհին․ բախվել են «Մերսեդես» և «ՎԱԶ» մակնիշի ավտոմեքենաները, որի հետևանքով երկու հոգի տեղում մահացել են, երկուսը՝ վիրավորվել։ «Առավոտ»-ի տեղեկություններով, մահացածներն ամուսիններ են, նրանք Վրաստանի հայեր էին, խնամքի տակ ունեին երեք երեխա, սպասում էին 4-րդ երեխային։ Ամուսինը՝ Ս․ Վ-ն 34 տարեկան էր, կինը՝ Ա․ Է․-ն՝ 31 տարեկան։ Իսկ վիրավորները «Մերսեդեսի» վարորդի կինն ու որդին են․ տղան անչափահաս է՝ 13 տարեկան: