Գազալցակայանում պայթած մեքենայի վարորդը թաքցրել է, որ մեքենայում կին կա

Ըստ «Արմլուր»-ին հասած լուրերի՝ մեքենայում, որն այսօր լիցքավորման ժամանակ պայթել է, կին է եղել։ Մեքենայում գտնվող կնոջ ոտքը վիրահատել են ու այն գտնվել է գիպսի մեջ։ Հարազատները մոտեցել են գազալցակայան՝ մեքենան լիցքավորելու, և որպեսզի վիրահատված կնոջը մեքենայից չիջեցնեն, նրա վրա շոր են գցել ու գազալցակայանի աշխատակիցներին վստահեցրել, որ մեքենայում մարդ չկա։ Արդյունքում գազալցակայանի աշխատակիցները մեքենան լիցքավորել են ու լիցքավորման ժամանակ մեքենան պայթել է։