«Եթե հանցավոր եմ, պետք է դատապարտվեմ»․ Գաբրիել Ջեմբերջան

«Եթե հանցավոր եմ, պետք է դատապարտվեմ։ Ինչ-որ կընե կառավարությունը՝ ճիշտ կընե։ Շատ լավ է անում, որ հանցագործներին ձերբակալում է։ Բայց կարող է այնպես լինի, որ սխալմունք է եղել»,- լրագրողների հետ ճեպազրույցում ասաց «Փյունիկ» հիմնադրամի նախագահ Գաբրիել Ջեմբերջանը։
Հիշեցնենք, որ նրա նկատմամբ քրեական վարույթ են հարուցել՝ փողերի լվացման մեղադրանքով: Քննիչը միջնորդություն է տարել դատարան՝ նրան կալանավորելու առաջարկով, սակայն դատարանն այն չի բավարարել: Ըստ տեղեկությունների Ջեմբերջյանի ընկերության հաշվին փոխանցված ինչ որ գումարներ ՀՀ իրավապահներին կասկածելի են թվացել և նրանք այդ գումարները դիտել են որպես փողերի լվացում և այդ գործին կպցրել նաև Ջեմբերջյանի նախկին ընկերոջը՝ Սերժ Սարգսյանի կրտսեր եղբորը՝ Լևոն Սարգսյանին:
«ՄԵղադրում են, որ ես Լևոն Սարգսյանի փողերն եմ «լվացել»»։
Լրագրողի դիտարկմանը, թե արդյո՞ք օգուտ չի տվել այն, որ Ջեմբերջյանը պարբերաբար գումար է հատկացրել Աննա Հակոբյանի «Իմ քայլը» հիմնադրամին, նա պատասխանեց․ «Ես Լևոն Տեր-ՊԵտրոսյանի օրոք և մինչև այսօր բարեգործություն եմ անում և անելու եմ նաև հաջորդ կառավարության օրոք։ Այն, ինչ անում է Կառավարությունը ճիշտ է անում»,- ասաց Ջեմբերջյանը՝ հավելելով, որ գուցե սխալմունք է եղել, իսկ եթե ապացուցվի, որ մեղավոր է, պատրաստ է պատիժ կրել։